ՀՄՀ-Հայաստան ծրագրի Շահառուների խորհուրդը ապահովում է քաղաքացիական հասարակության մասնակցությունը ծրագրի բոլոր փուլերում` երաշխավորելու դրա թափանցիկ և անկողմնակալ իրականացումը: Յուրաքանչյուր ծրագրային տարում իրականացվում են Շահառուների խորհրդի 15 անդամների ընտրությունը: Ընտրություններին հրավիրվում են մասնակցելու բոլոր այն ոչ պետական, ոչ առևտրային կազմակերպությունների ներկայացուցիչները, ովքեր իրենց գործունեության ընթացքում առնչվում են ծրագրային ուղղություններին և նպատակներին, ինչպես նաև ներգրավված են ակտիվ հասարակական գործունեության մեջ:

Շահառուների խորհուրդը խորհրդակցական մարմին է: Այն իր գործունեությունը ծավալում է տարբեր ուղղություններով, դրանք կարող են լինել ընդհանուր ծրագրային հարցերի քննարկում, ընթացիկ աշխատանքների հանրային մոնիտորինգ կամ աշխատանք շահառու բնակիչների հետ: Շահառուների խորհրդի մյուս կարևոր դերակատարումը ՀՄՀ-Հայաստան ՊՈԱԿ-ի Կառավարման խորհրդում անդամանցությունն և մասնակցությունն է: Շահառուների խորհրդի 15 անդամներից հինգը պատվիրակվում են Կառավարման խորհուրդ և հանդիսանում են 12 անդամից բաղկացած Խորհրդի լիարժեք անդամներ: Կառավարման խորհրդի բնապահպանական դիտորդը նույնպես ընտրվում է ՇԽ-ի կողմից: ՀՄՀ-Հայաստանը մշտապես կարևորում է ՇԽ անդամների ներգրավվածությունը ծրագրին, առանձնապես համայնքներում իրականացվող աշխատանքներին, որի միջոցով ՇԽ անդամները կարող են լսելի դարձնել բնակիչների կարծիքները և մտահոգությունները ծրագրի վերաբերյալ:

Շահառուների խորհրդի գործող կազմը